সৰগৰ বেলকনি (৩)

তেজাল প্ৰবাহ

ক্লান্ত লুইতৰ ধাৰাসাৰ প্ৰবাহ

অস্থিৰতাৰ হেন্দোলনিত প্লাৱিত ধৰা,

সময়ৰ বাসনাত সিক্ত বেদনা

মহাতান্দ্ৰৱৰ ই জয়াল শিৰা,

ভ্ৰমণৰ ইতিহাস কিম্বা প্ৰবাহমান ধাৰা

উদ্দেলিত মনবোৰৰ দুৰ্জয় বেদনা,

মুখাপিন্ধা মানৱৰ ঘৰ্মাক্ত দেহা

মহামাৰীৰ তান্দ্ৰৱত জিলিকি উঠা;

মহা মহা মণিষীৰ নশ্বৰ দেহা

বিষাক্ত ক'ভিডৰ অন্ধকাৰ ছায়া..

কত যে ভ্ৰাতৃ -ভগ্নীৰ আশাতীত  দেহা,

আপোন স্পৰ্শৰ পৰস নোপোৱা,

মাথো বেদনাৰ স্পৰ্শত অশ্ৰু নিগৰা..

তথাপিতো ভয় নাই..

শংকা নাই.....

এই মনুষ্য জাতিৰ

উগ্ৰ তেজেৰে লিখে হেনো

তেজাল  প্ৰবাহ.......

 

 পল্লৱী বৰুৱা

          গোলাঘাট