সৰগৰ বেলকনি (৫)

তোমালৈ বুলি

অনুভৱৰ প্ৰতিটো স্বৰলিপি

লিখিলো তোমাৰ নামত ,

হৃদয়ৰ উকা দস্তাবেজত 

শব্দহীন এটি সপোন হ’ল চিহ্নিত৷

স্বপ্নৰ সীমাৰ পৰিধি ভাঙি

অহা এচাটি পচোৱাই

হৃদয়ৰ মন্দিৰত জ্বলি থকা

আশাৰ চাকিগচি যায় যে কোবাই ৷

তেতিয়া পূজা আৰম্ভ হৈছিল

আৰোধ্য দেৱতাৰ চৰণত

তোমাৰ নামত অৰ্পিত ফুলবোৰ

এতিয়াও সজীৱ হৈ আছে

দেৱতাৰ পূজাৰ বেদীত ৷

ঋতু গৈ ঋতু আহে 

অনুৰাগ বোৰ তোমাৰ বাবে

নিয়ৰ হৈ টোপা টোপ সৰে

আৰু স্নিগ্ধ জোনাকত  

মনৰ হেপাহঁবোৰে  পোখা মেলে  ৷

সুপ্ত অনুভৱবোৰে  উকমুকাই উঠে

ৰংহীন উকা কলাজখন

ৰঙীন কৰিবলৈ শব্দবোৰে অভিমান কৰে, 

তথাপি স্বপ্নৰ পৰিধি ভাঙি

ৰৈ ৰৈ অনুৰাগ জাগে

হিয়াৰ মাজত তোমাৰ বাবে ৷

পদুলীত এতিয়াও ফুলি আছে

পলাশ, মদাৰৰ কলি,

হৃদয়ৰ পূজাৰ বেদীত

ফুলবোৰ অৰ্পণ কৰি

এদিন তুমি আহিবা বুলি 

ৰৈ থাকিম তোমালৈ বুলি ৷

          🖋️নিজৰা বৰ্মন ডেকা