সৰগৰ বেলকনি (৬)

কাল্পনিক 

বাস্তৱ জীৱনক প্ৰকৃত জীৱন বুলি 

নকৰিবা ভুল, জীৱনটো বৰ জটিল 

সংগ্ৰামে ভৰপূৰ, ৰহস্যময়

তাৰ মাজতো অতি আনন্দময় 

জীৱনৰ অৰ্থ যেতিয়া বুজিবা

বহুত পলম হ'ব তেতিয়া |

সোণোৱালী সপোনবোৰ 

দিঠক কৰি  তুলিবলৈ  

হৃদয়ে কৰিব হাবিয়াস 

আজি জীৱন ব্যৰ্থ হৈ ৰ'ল |

সপোনবোৰ চিন-বিছিন্ন  হৈ গ'ল |

মোৰ জীৱন, মোৰ ইচ্ছা, 

সকলো যেন শেষ হৈ গ'ল |

তুমি চোন কৈছিলা 

একেলগে গোটেই জীৱন 

সুখে-দুখে কটাম বুলি !

কত গ'ল তোমাৰ প্ৰতিশ্ৰুতি ?

মই কান্দিছোঁ আজি,

কিয়, কব পাৰিবা নে তুমি !

নোৱাৰা, কাৰণ তুমি কা-পুৰুষ 

হ'ব নোৱাৰিলা আজিয়ো 

তুমি মোৰ সপোন কোঁৱৰ |

মোৰ সপোনকোঁৱৰ বহু সাহসী 

মই বিচাৰিলে ধৰাকো স্বৰ্গ ৰূপ দিব 

মোৰ চকুৰ পানীয়ে মুক্তা মালা গাঠিব |

হ'ব, নালাগে তোমাৰ মিছা প্ৰতিশ্ৰুতি |

মই আজিও সপোন দেখিম 

সপোনৰ পৃথিৱীখন বৰ ধুনীয়া 

মোৰ সপোন কোঁৱৰৰ সপোনতে 

বিলীন হয় ৰয়, মোৰ পৃথিৱী,

মোৰ জীৱন ,ৰামধেনু ৰঙেৰে ভৰিম  |

ৰাজশ্ৰী সেনাপতি গগৈ, ডিব্ৰুগড়