নাযাওঁ আৰু
নাযাওঁ আৰু
তুমি মোৰ কল্পনা হৈ থকা নাই
এতিয়া আৰু
যিমানেই নামাতা কিয়?
আহা আহা বুলি!
যাব পাৰিলেও
নাযাওঁ আৰু
সিমান গভীৰতালৈ
তোমাৰ বিবস্ত্ৰৰূপ চাবলৈ৷
তুমি নহয় মোৰ বন্ধু
নহয় মোৰ প্ৰেয়সী৷
আছিলে
কিবা এটা,
আত্মাৰ সম্পৰ্ক৷
এতিয়া আৰু ভাল নালাগে৷
যিমানবোৰ কথাৰে
হৃদয় মোৰ কঁপি আছিলে৷
উজনি নামনি কোনে ভাগ কৰিলে?
তুমিতো
তেতিয়াও নাছিলা অকলে!
জানো মই নহলেও
তুমি বাৰু এতিয়াও নাথাকা অকলে৷
তাং- ০৭/০৮/২০২৫
Comments
Post a Comment